منتدي ابن سينا الأدبي

شعر الفصحي والعامي والنبطي والخواطر والرواية والقصة القصيرة.


    ياسعد أيامي

    شاطر
    avatar
    Admin
    رئيس مجلس الإدارة وصاحب الموقع
    رئيس مجلس الإدارة وصاحب الموقع

    عدد المساهمات : 256
    تاريخ التسجيل : 24/08/2010
    العمر : 61

    ياسعد أيامي

    مُساهمة  Admin في الجمعة يناير 06, 2012 5:06 am

    ياسعد أيامي
    ياسعد أيامي اللي تبحث عليك
    وياسعد أحلامي اللي تجري وراك
    وأنا إن صج في يوم خبيت وماحكيت
    أدري بتفضحني عيوني من غلاك
    أنت في قلبي وكيف هنت عليك
    حتي تتركني وأنا الذي شوقي بلقاك
    أتحري شوفتك كيف وليه ماجيت
    وأتحري بسمتك وكأن عيوني تراك
    في حضورك كم غنيت وبكيت
    وحر أشواقي وصفت لك يارعاك
    وكم من مرة أنت علي كتوفي بكيت
    من عشيق الهوي اللي خانك وطار
    وياما تمنيت الوصف اللي توصفه عني يكون
    كنت بحبك عليت وكالنجم صرت لك فنار
    كيف وأنا جدام عيونك وأبيك
    تنظر لغيري علامك ومادهاك
    وله ليش أني بقلبي دوم معاك
    ماتلاحظني وأنا كل شئ فيني بقاك
    ياما قلت أهواك وعليت الجواب
    وأنت تسمع قولي لكن ماتجيب
    كأنك مركب من تركيب عجيب
    اللي مايحبك تبيه واللي يحبك ماتباه
    وفوق هذا تشتكي لي حبيبك وجوره عليك
    وتقطع أوصالي بعشقك هذا كله لسواي
    وأنا الأطفك وأخفي عنك ثورتي وعزة هواي
    أه ياحبي شنو مني تريد
    أعشقك وأنت ترد بالعشق لحد سواي
    وأفهمك هذا الذي يصير مهو بيديك
    والعين تعشق من تريد وأنت تفنيني معاك
    بعد دروبك عني ولعذابي لاتزيد
    ماأحتمل أكثر تري القلب ذاب تراه
    ولوعة الحزن صارت دوم معاه وتعتريه
    كل ماجا ذكرك وله حد طراك
    بغمض عيوني وعن دربك بحيد
    وأطلب من الله لقلبي شفاه من شقاه
    عل وعسي ربي لصوت قلبي يستجيب
    وعل وعسي روحي ماتنده أباك
    قطعت الدنيا بيننا الود الجميل
    وماأرادت أن تستمر بيننا أسباب الحياة
    وصاحت الدنيا تري قلبه من جليد
    لاترجا وتنتظر مالك أمل تكمل معاه
    و أنت بعد أنساه عل وعسي تسلا بسواه
    ماأظن أن قلبك بيسعد عنده ويطيب
    ولاأظن أن عنده طب لك ولاهو دواك
    لكن إن بقيت تقاتل لعزة هواك
    لاتسلم أبدا في يوم أو تلين
    وأحسب أيامك مع لحظة لقاه
    وقيد أصابعك العشر لدروبه تنير
    وأحتمل من أجله لوعات الحياة
    وأنصحه يترك اللي مايلد عليه
    اللي يستغله بأسم الحب وأهو عمره ماشراه
    واللي تارك من أجله حبي الدفين
    اللي يكفي العالم ووده يفوز بلمسة ثراك
    تعتريني دوم لأجلك لحظات الحنين
    ويفز خافقي لشافك ومايستكين
    جعل عمري وياك أهو اللي بالأخر يصير
    وجعل عمري فدوة لك ياحلو الجبين
    عقبها مابي من دنيتي حزن وسرور
    ابي بس أقضب دنيتي وياك وأطير
    ومن السعادة نستقي حب الحياة
    حتي نعوض مافاتنا بالباقي اليسير
    ابن سينا.

      الوقت/التاريخ الآن هو الجمعة نوفمبر 24, 2017 6:22 am